De Wind (Jeanne Vande Putte)

Kom binnen, meneire de wind!
Mor je moste me zou’ën geweld de deure niet opensloan!…
Wien ee’t er je zou’ën oembeleefde stre’en geleird? de menschen zeker?
Van wo kom je gie nu, met je roazen en je tieren tenden oasem?
j’ê zeker weere gon loopen achter ’t zand van ’t strange,
da zo benauwd is van je en aantend moa weglopt vo je, aantend moa.
lik een sjarpe geluwe tulle zoe wegvliegen, just azowe.
Och, roast zo niet, uult zo nie, vliegt zo nie, meneire de wind,
’t en helpt toch allemoale niemendalle :
aa woa da j’ achter lopt, lopt weg vo joen,
en hoe zeêrder da je gie vliegt, zoveele zeêrder za ’t vo joen vliegen.
en mê da de wereld roend is, sukkeloare, domme sukkeloare,
lop gie moa, lop gie moa achter de geluwe sjarpe en je za voort loopen.
Sukkeloare, zandknauwer, herteknauwer, meneire de wind.
je kan gie uulen, uulen, dat iederein die ’t oort, uuvert van koede en van piene.

Lik ’n oend die geslegen wordt,
Lik ’n kind da schreimt van benauwdheid in den doenkeren,
Lik ’n mensch die z’n êrte zoe foelen breken…
Och, kom moa binnen, meneire de wind…
Och nein, bluuf buuten, meneire de wind.
in uus uuzetje kán je gie toch nie binnen.
met uus huzetje ê je gie toch nie genoeg.
en ’t zoe d’ier âa kapot zien van joen.
weggewoid of plat gestampt,
en de lampe uutgebloazen,
en minder zoen ier zitten in den doenkeren en in de koede,
lik vrêmdelingen in en stein-vrêmd uus…

(Bron: Mijn hart is niet hier/Uitgeverij De Standaard en VSW Cahiers voor de correcte West-Vlaamse spelling)

Advertenties
Dit bericht werd geplaatst in Jeanne Vande Putte en getagged met , , , . Maak dit favoriet permalink.

Een reactie op De Wind (Jeanne Vande Putte)

  1. Dat Jeanne Vande Putte niet vergeten is, doet mij plezier. Zij was mijn inspiratrice toen ik rond mijn veertiende begon gedichten te schrijven . Een gedicht van haar herinner ik mij uit mijn hoofd:’ Orion, mijn welbeminde/ komt mij knikkerend over het dak tegemoet…’
    Orion heeft mij ook vaak geïnspireerd.

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s